meri awaz.........

its not just i say....its the voice of every indian against terrorism. read it and feel it..

meri awaz...

lahu bah raha hai tan se,

bah rahe ansu nayan se,

duhaai deti maa ro rokar ki,

khatam karo atank watan se.

mar jaate kuchh bekasur kahi,

fir bachche unke rote hain,

baethe hum araam se kahin,

bade chain se sote hain.

kaun samjhe wo maa ka dard,

jo bachcho k tukde uthati hai,

fir kabhi yaad karke usko,

chhupke ansu bahati hai.

kyu raas ata hume wo dar,

kyu hum chup ho jaate hain,

char din dhol baja deshbhakti ki,

panchwe din so jaate hain......

neend nahi raato me aati hai,

wo rudan ab dil ko satati hai,

kab tak yu hi chup rahoge dosto,

ki hadsa kab apna samay batati hai

soyi aag ab bhadakne lagi hai

bhuja b ab fadakne lagi hai,

bhara hai akrosh har lamhe ne,

shanti ko dharti tarasne lagi hai.

nahi ab unse darna hai,

aakhiri saans tak ladna hai,

aao hath milaye fir aaj,

ki is atank ko khatm karna hai.....